.....حِلم بنـــــوته

حلم بنوته

فـ مضمونه هو حلم بسيط

مجرد حلم بنوته

فـ نعومه خد طفله جميله

ونسمه عليله

ونغمه رقيقه محبوكه

حلم لما بفتكره

تعيش روحى ألف حدوتة

((وأولها ))

فارس

.

.

يجيلى فوق فرس جامح

وأستناه فوق رموش عينى

خيال سارح

ويشدنى ..

خارج حدود الحلم

ويضمنى.. ضمه

أموووووت فيها 200موته

(( والتانيه))

عاشق

.

.

وبيعشق فيا إحساسى..

ويطير بجناحات الشوق

ويكتبلى

علي شَطّك يا حلم العمرأنا راسى

دة من غير عيونك دول

بتوه وبضيع وبقاسى

يا ساكنه روحى ووجدانى وأنفاسى

ومالكه كل إحساسى

بضحكه أحلى بنوته

((والتالته))

شــاعر

.

.

ويكتبلى قصايد شوق

ويجيلى ع الورق طاير

وكله شوق وحنيه

ويندهلى

يا عبله يا ليلى وناعسه وبهية

ويوهبلى

قلب مالوش غيرة فـ الدنيا

لأميرة فـ قلبه حدوتة

((والرابعه))

ســاحر

.

.

وسحراه عيونى السود

وقلب من فضه

ويعدى بيا بلاد وحدود

ويتمنى لى الرضا أرضا

ويتمتم بتعاويز سِحره

تتفتح بين كفوفى وروود

وياسمينه

صُغنتوته

((والخامسه))

أسير

.

.
مأسور ما بين الحرف والأحساس

ويشهد لى

مفيش فـ سماه غير عينى

قمر ونّاس

ويتوه فـ الدنيا من غيرى

ولوكان بين ألوف الناس

وبقربى..

يدوووب قلبه ويتبنى لحياته أساس

حتى نغماته ألـ تاهت يوم

تلاقى طريقها للنوته

....

...
..
.

ودى حكايه حلم بنوته

حلم ولا الأساطير

فارس

وعاشق

وشاعر

وساحر

وأسيــــــــــــــر

وتوته..توته

وخلصت كدة الحدوتة